Orzamentos 2023 para Bibliotecas da Xunta de Galicia


BAMAD Galicia ante os orzamentos da Xunta de Galicia para Bibliotecas 2023

O proxecto de Lei de orzamentos da Xunta de Galicia do ano 2023 incrementa para as bibliotecas 144.457€ con respecto a 2022.

Continúan sendo orzamentos moi conservadores, que non recuperan as partidas anteriores á crise de 2008 e que non procura dotar o país dunha rede eficaz e próxima á cidadanía.

No ano 2023 as bibliotecas públicas de Galicia contarán cun crecemento minúsculo. Nun contexto de incremento xeral dos Orzamentos da Xunta, o crecemento das bibliotecas limítase ás partidas de Lotes fundacionais (6281) e de Axuda a concellos para bibliotecas itinerantes (64007), mentres baixa na de Edición libro galego (lotes fundacionais) (6282). Outra partida que se incrementa é de Actividades culturais e animación á lectura e bibliotecas (6405), pero en escasos menos de 2.000€ que non merece a pena salientar. Baixa en grande medida a partida de Edición libro galego (lotes fundacionais) (6282).

Os datos poden visualizarse nas gráficas máis abaixo nas que indicamos as cifras entre os anos 2019 e 2023. En todas houbo un incremento paulatino desde que se comezaron a recuperar os orzamentos desde o 2012 (excepto en 2022 onde houbo unha baixada do mesmo).

Queremos sinalar algunhas cuestións que nos parecen preocupantes, por encima das cantidades sinaladas e que vimos demandando desde hai anos desde a nosa Asociación e que reiteremos a continuación:

1) A necesidade de desenvolver a Lei de Bibliotecas fomentando a cooperación entre as distintas administracións: Concellos, Deputacións e Xunta, o que debería permitir dotar de mellores servizos, instalacións, equipamento e persoal ás bibliotecas municipais.

2) O aumento das partidas orzamentarias van destinadas única e exclusivamente á posta en marcha do servizo de bibliotecas itinerantes que, despois de anos de promesas, vai comezar a súa posta en marcha en 2023, unha vez resolto o concurso público para a xestión do servizo. De aí o incremento tanto da partida de Axuda a concellos para bibliotecas itinerantes (64007) que duplica os orzamentos de anos anteriores como a de Lotes fundacionais (6281) que se incrementa para atender a dotación dos servizos móbiles. O concurso, aínda en procedemento aberto, pretende dotar 20 concellos, 10 da provincia de Ourense e 10 da provincia de Lugo, dun servizo de bibliobús.

3) Debido a que o incremento das partidas se fai exclusivamente para este novo servizo é polo que opinamos que se trata de uns orzamentos moi conservadores, deixando o resto das partidas para o conxunto da Rede de Bibliotecas igual que no ano anterior e mesmo baixando en grande medida a partida de Edición libro galego (lotes fundacionais) (6282) que pasa de 214.301€ en 2022 a 46.717€ en 2023.

4) En conxunto, se deixamos de lado o incremento das partidas para o servizo de bibliotecas itinerantes, é dicir para a posta en marcha dun novo servixo, o orzamento para bibliotecas da Xunta de Galicia para 2023 baixa con respecto ao ano anterior.

5) De novo lamentamos que non se apoie o Servizo de Bibliotecas cun orzamento que permita unha maior dotación no número de persoal que podan prestar máis servizos e incrementar o apoio á rede: formación, asesoramento, axuda na migración e implantación de novas ferramentas, seguimento e apoio aos procesos de convocatorias de selección de persoal nos concellos, etc.

Os profesionais das bibliotecas reclamamos mellores partidas para as bibliotecas e o desenvolvemento integral de políticas de fomento do libro e da lectura coa participación de todo o sector: as diversas administracións, empresas e o persoal profesional. E insistimos na necesidade de dotar de persoal suficiente os servizos encargados do desenvolvemento das políticas de xestión da Rede de Bibliotecas de Galicia e do Sistema de Xestión Integrado da Rede, o que permitiría a correcta identificación das carencias e actuacións máis coordinadas e axustadas á realidade.

A Xunta Directiva de Bamad Galicia

A Coruña, 31 de Outubro de 2022

Cadro comparativo e gráficos de Bibliotecas 2019-2023

  2023 2022 2021 2020 2019
Bolsas formación (4800) 217140 217140 216940 216940 216940
Equipamento da rede (mobiliario) (6251) 90000 90000 90000 90000 90000
Lotes fundacionais (6281) 609301 395000 495000 495000 495000
Edición libro galego (lotes fundacionais) (6282) 46717 214301 171060 171060 171060
Obras e reparacións na rede de bibliotecas de Galicia (6322) 60000 60000 60000 60000 60000
Promoción da lectura e do libro (6402) 207356 207356 207356 185000 185000
Actividades culturais e animación á lectura e bibliotecas (6405) 140740 138000 138000 138000 98000
Formación (6400) 10500 10500 10500 10500 10500
Sistema Bibliotecario e Formación bibliotecaria (6401) 335000 335000 335000 335000 335000
Axudas a entes locais para investimentos en bibliotecas (7601) 362000 362000 362000 350000 350000
Subvencións para adquisicións de novidades editoriais en galego (7602) 200000 200000 200000 200000 200000
Axudas dinamización bibliotecas municipais (7603) 201000 201000 201000 198000 198000
Axuda a concellos para bibliotecas itinerantes (64007) 205000 110000 110000 110000 110000
Total 2684754 2540297 2596856 2559500 2519500

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

This site uses Akismet to reduce spam. Learn how your comment data is processed.