Orzamentos 2023 para Arquivos da Xunta de Galicia


BAMAD Galicia ante os orzamentos da Xunta de Galicia para Arquivos 2023

No “maior orzamento da historia de Galicia”, todas as partidas dedicadas a investimentos en arquivos no orzamento de cultura están conxeladas, agás a dedicada a proxectos e informes e dirección en materia de arquivos (6283) que aumenta en 59.875 €, en parte grazas ao Mecanismo de Recuperación e Resilencia, dos Fondos NextGeneration da Unión Europea, o resto das partidas non conseguirán paliar os efectos da inflación.

Outro ano máis, non só non conseguimos recuperar os investimentos dedicados a estes centros anteriores á crise de 2008, senón que, nun contexto alcista dos orzamentos, os arquivos perden peso proporcionalmente no volume de gasto da Xunta de Galicia.

Con este orzamentos será difícil abordar o Plan de Arquivos da Xunta de Galicia, que despois de 8 anos de demora segundo o previsto na Lei de Arquivos e Documentos de Galicia de 2014, aprobouse o día 20 de outubro, pero cuxo contido non se fixo público. Como abordar a creación de arquivos como os Xerais Territoriais da Coruña, Ourense, e Ferrol (locais, mobiliario, andeis etc.)? Como abordar as necesidades de espazo dos arquivos existentes? como abordar axudas á contratación de arquivistas para os arquivos municipais dos concellos máis pequenos?, como implantar a perspectiva de xénero nos centros con estas dotacións?

Desde BAMAD Galicia entendemos que é preciso aumentar o esforzo orzamentario dedicado aos arquivos xa que levan sufrindo unha asfixia económica desde hai máis de 10 anos, o que afecta ao normal desenvolvemento das súas funcións. Este orzamento non permite a creación dos arquivos que a propia Lei de Arquivos e Documentos prevé, e impide atender os novos retos con ferramentas, locais, medios e persoal suficiente. Galicia precisa duns arquivos propios do século XXI que dean servizo á sociedade cos medios necesarios para adaptarnos a un mundo en constante transformación.

A Xunta Directiva de Bamad Galicia

A Coruña, 31 de Outubro de 2022

 

Cadro comparativo e gráficos de Arquivos 2019-2023

  2023 2022 2021 2020 2019
Bolsas para conservación do Patrimonio documental en arquivos (4801) 114000 114000 107406 107406 107406
Maquinaria, instalacións e utensilios de arquivos. Adquisicións (6231) 17200 17200 17200 17200 17200
Mobiliario e útiles de arquivos (6252) 24000 24000 24000 24000 24000
Proxectos e informes e dirección en materia de arquivos (6283)+MRR 259875 200000 200000 135000 135000
Adquisicións e restauración do patrimonio documental (6284) 23336 23336 23336 23336 23336
Publicacións en materia de arquivos (6286) 10000 10000 10000 10000 10000
Obras de conservación de arquivos (6321) 50000 50000 50000 35000 35000
Actividades difusoras e de promoción de arquivos e patrimonio documental (6404) 200000 200000 200000 200000 161250
Axudas a entes locais para investimentos en arquivos (7600) 110000 110000 110000 110000 100000
Actuacións de promoción, xestión, adquisición e dirección de arquivos (64000) 10000 10000 10000 10000 10000
Total 818411 758536 751942 671942 623192

Categorías:Arquivos, Noticias Bamad

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

This site uses Akismet to reduce spam. Learn how your comment data is processed.