O 18 de xuño, celebrouse en Valencia o Encontro de Asociacións e Colexios federados en FESABID xunto coa realización da Asamblea Xeral Extraordinaria de FESABID e a Eleccións a cargos da Xunta Directiva de FESABID 2022-2024. Esta tivo especial relevancia para a nosa asociación, xa que por primeira vez BAMAD Galicia vai formar parte da directiva de FESABID.

Queremos agradecer aos e ás compañeiras da Federación en confiar en nós para formarmos parte desta nova Directiva.

Presentouse unha única candidatura, que vertebra a proposta en tres ideas forza: prestixio, retos futuros e traballo colaborativo entre asociacións. Despois da presentación da candidatura e realizada a votación, a nova Xunta Directiva estará conformada polas seguintes persoas e cargos:

• Presidencia: Francesc Xavier González Cuadra polo Col.legi Oficial de Bibliotecaris-Documentalistes de Catalunya (COBDC)
• Secretaría: Teresa Delgado Sánchez pola Asociación Española de Documentación Musical-IAML (AEDOM)
• Tesouraría: Xoán Manuel Pérez Lijó pola Asociación de Profesionais dos Arquivos, Bibliotecas, Museos e Centros de Documentación de Galicia (BAMAD Galicia)
• Vogais:
  • María Teresa Ortigosa pola Asociación Andaluza de Bibliotecarios (AAB)
  • Chelo Veiga García pola Asociación Profesional de Especialistas en Información (APEI)
  • Yanira Díaz de Arguiz López de Uralde pola Asociación Vasca de Profesionales de Archivos, Bibliotecas y Centros de Documentación/Artxibategi, Liburutegi eta Dokumentazio Zentroetako Euskal Profesionalen Elkartea (ALDEE)
  • Elena López de la Fuente pola Sociedad Española de Documentación e Información Científica (SEDIC)
  • Mercedes Rojas Granero polo Col.legi Oficial de Bibliotecaris i Documentalistes de la Comunitat Valenciana (COBDCV)

En todo momento se salientou o recoñecemento e agradecemento á Xunta Directiva cesante polo enorme traballo realizado.