A Deputación da Coruña organiza, dentro do seu programa A Cultura é un Dereito, as Xornadas de Arquivos e Bibliotecas públicas de Galicia: dun presente imperfecto a un futuro transformador. Para a realización destas Xornadas contou coa colaboración de Bamad Galicia, onde ademais algúns dos seus membros van participar como ponentes.

A Xornada é gratuíta pero require inscrición previa a través desta ligazón: https://aculturaeundereito.gal/Inicio.php onde figura o programa, horarios e ponentes xunto coa inscrición ao mesmo. A Xornada decorrerá entre a tarde do venres 19 e a mañá do sábado 20 de febreiro, cunha duración de 6h., na que se poderá participar virtualmente a través da plataforma zoom. A ligazón para a participación enviarase ás persoas incritas nas Xornadas.

Presentación:

As xornadas preséntanse como un foro para reflexionar sobre a situación das bibliotecas e  Arquivos públicos de Galicia, sobre o labor que desenvolven, os medios cos que contan, os fins que pretenden cumprir; sobre como están inseridos na súa comunidade ou sobre como os  percibe o país.

Analizar cales son os retos que deberán encarar un futuro próximo arquivistas e bibliotecarias e bibliotecarios será imprescindible para dar resposta ás necesidades da sociedade á que dan servizo.

E finalmente presentar unhas propostas que dean resposta aos retos que arquivos e bibliotecas enfrontarán na próxima década: medios necesarios, mundo dixital, novos enfoques, igualdade, diversidade, adaptación ao territorio, etc. será o punto final desta xornada que pretende ser un punto de encontro no que pensar e debater, a partir dos relatorios presentados por profesionais, que permita avanzar cara a un mellor desenvolvemento dos arquivos e as bibliotecas de Galicia.

Programa:

VENRES 19

17:00 h. Presentación das Xornadas

17:10 h. Presentación da mesa

Situación actual dos servizos, lexislación actual e grao de cumprimento, novos marcos.

• Arquivos: María Díaz Bernárdez. Arquivo Histórico Provincial de Lugo
• Bibliotecas: Eugenio Gómez Barreiro. Biblioteca Pública Miguel González Garcés (A Coruña)

18:30 h.

• Presentación do Arquivo da Deputación da Coruña: Mutacións arquivísticas: da aspiración á inspiración. Carmen Molina Taboada. Arquivo da Deputación da Coruña

Até as 19:30 h. Inclúe debate e despedida

SÁBADO 20

10:00 h. Presentación da mesa

Profesionais: novos retos:

• Arquivos: Rosa Martín Rey. Xerencia Territorial do Catastro de Lugo.
• Bibliotecas: Alicia Sellés Carot. Presidenta de FESABID.

Até as 11:30 h.

11:45 h Presentación da mesa

Propostas imprescindibles para unha década 2021-2030

• Arquivos: Olimpia López Rodríguez. Arquivo Xeral Territorial de Lugo.
• Bibliotecas: Xoán Manuel Pérez Lijó. Biblioteca Municipal de Ames.

Até as 13:15 h.

13:20 h. Clausura

Xa están disponíbeis os vídeos das Xornadas premendo nesta ligazón.