Bamad Galicia presenta un programa de webinarios que durante este ano nos traerá encontros con profesionais e experiencias de levar actividades e servizos á cidadanía nos momentos de confinamento. Manter servizos pechados ou con restricións obrigaron a que desde as institucións da memoria tivésemos que desenvolver novos proxectos para achegar os servizos á cidadanía.

Os webinarios propoñen encontros con servizos que levaron a cabo propostas novas desde as Bibliotecas, os Museos e os Arquivos.

Está previsto contarmos con webinarios nos meses de Abril, Setembro e Novembro e aproveitamos para presentar os que terán lugar no mes de Abril:

Martes 6 de Abril. Bibliotecas a domicilio: como levar a biblioteca e as súas actividades aos domicilios das persoas usuarias. Contaremos como relatores con:

• Juan Sobrino García: Biblioteca de Sotol del Real: Proxectos sociais de animación á lectura e a súa adaptación á pandemia.
• María Elena Becerra García e María José Villar Fernandez: Bibliotecas de Redondela

Martes 13 de Abril. Abrindo espazos: os museos desde a casa. Contaremos como relatores con:

• Ana Vasco Castillo: Museo de Belas Artes da Coruña: Distancia social, inclusión e novas tecnoloxías. Un museo en movemento e identidades.
• Manuel Mosquera Cobián: Museo de Belas Artes da Coruña: Iniciativas a remoto no Museo de Belas Artes da Coruña, Belas artes na casa e Correspondencias.

Mércores 21 de Abril. Os Arquivos ante o reto do confinamento. Contaremos como relatores con:

• Gabriel Quiroga Barros: Arquivo do Reino de Galicia: Arquivos e confinamento: un tempo para a reflexión e para a acción?
• Marta Munuera: Arxiu Municipal de Terrassa: Arquivo, servizo esencial: dando resposta ás necesidades da administración durante o confinamento.

Todas as actividades se realizarán mediante a plataforma Zoom en horario de 17 a 18.30h.

Prazo de inscrición: aberto neste formulario.

O prezo é gratuíto para persoas socias e ten un custe de 10€ para o conxunto dos webinarios para persoas non socias que deberán facer ingreso na conta: ES19 1491 0001 2920 2372 4921 indicando nome + apelidos + webinar