BAMAD Galicia ante os orzamentos da Xunta de Galicia para Bibliotecas 2018

O proxecto de Lei de orzamentos da Xunta de Galicia do ano 2018 baixa, con respecto ao 2017, un 14%. Desde o ano 2012 a redución foi de máis do 50%

No ano 2018 as bibliotecas públicas de Galicia contarán cun menor orzamento. Nun contexto de “recuperación da crise”, no que a maioría das partidas orzamentarias da Xunta de Galicia se incrementan, as bibliotecas volven a ver reducido o seu orzamento.

A previsión de orzamento para o 2018 contempla unha conxelación da maioría das partidas excepto dúas que incrementan a súa cantidade e unha que diminúe. Os datos poden visualizarse nas gráficas máis abaixo pero queremos sinalar algunhas cuestións que nos parecen preocupantes, por encima das cantidades sinaladas e que vimos demandando desde hai anos desde a nosa Asociación:

1) A necesidade de desenvolver a Lei de Bibliotecas fomentando a cooperación entre as distintas administracións o que debería permitir dotar de mellores servizos, instalacións, equipamento e persoal ás bibliotecas municipais.

2) Moitos servizos de bibliotecas municipais encóntranse en pleno cambio de sistema de xestión bibliotecaria o que obriga a realizar grandes esforzos de persoal, véndose na obriga moitos servizos de contratar servizos de persoal e/ou de xestión para poder facer frente ao cambio. Este proceso debería ser apoiado polo Servizo de Bibliotecas da Xunta que, debido principalmente, á escaseza de persoal do servizo, non pode facer frente ao labor de formación e asesoramento do cambio que sería preciso.

3) Por último seguimos crendo que o fomento do uso da biblioteca e da lectura é imprenscidible para crear sociedes democraticamente maduras polo que non entendemos que a partida que máis baixa o seu orzamento sexa precisamente a doa realización de actividades culturais e de animación á lectura nas bibliotecas.

Os profesionais das bibliotecas reclamamos mellores partidas para as bibliotecas e o desenvolvemento integral de políticas de fomento do libro e da lectura coa participación de todo o sector: administracións, empresas e persoal profesinal.

A Xunta Directiva de Bamad Galicia

 Coruña, 10 de Novembro de 2018

Cadro comparativo e gráficos dos últimos anos

Orzamentos para Bibliotecas: evolución

Orzamentos para Bibliotecas: detalle e total