ByD Canarias, ALDEE e BAMAD Galicia organizan conxuntamente este obradoiro que se centra en comprender e navegar polo Fediverso, un ecosistema de plataformas sociais federadas que operan baixo principios de software libre e protocolos abertos.

Organizan:  ALDEE, BAMAD Galicia e ByD Canarias

Imparte: Marta G. Franco.

Modalidade: En liña (Zoom)

Datas:  25 e 27 de febreiro de 2025, de 18:30 a 20:30 h (hora peninsular)

Duración:  4 horas lectivas

Prezo: 

• Gratuíto para persoas socias/colexiadas de entidades FESABID que subscribisen o 2º Convenio de formación (será necesaria acreditar documentalmente esta condición). Terán matrícula preferente as persoas integrantes de ALDEE, BAMAD Galicia e ByD Canarias.
• 20 euros para personas externas (se houbese prazas disponibles).

Número de prazas: 50

Metodoloxía: Obradoiro práctico e grupos de traballo a través da plataforma Zoom

INTRODUCIÓN

Cada vez somos máis conscientes de que basear a nosa comunicación dixital en grandes plataformas que son propiedade duns poucos magnates é bastante problemático. A boa nova é que xa existe un sistema que permite a creación de redes sociais descentralizadas e de xestión pública ou comunal: o fediverso, cuxo exemplo máis coñecido é Mastodon.

Neste obradoiro aprenderemos en que consiste o fediverso e como podemos habilitalo. Compartiremos algunhas ferramentas para sacarlle o máximo partido e debatiremos como promover unha migración das nosas comunidades dixitais cara contornas máis seguras e democráticas.

PROGRAMA

BLOQUE 1. INTRODUCIÓN AO FEDIVERSO

• Definición e orixe

• Principios fundamentais

• Comparación coas redes sociais centralizadas

BLOQUE 2. MASTODON: A ALTERNATIVA DESCENTRALIZADA

• Que é

• Estrutura

• Creación e xestión dunha conta

BLOQUE 3. OUTRAS PLATAFORMAS DO FEDIVERSO

• Visión xeral

• Interoperabilidade

DOCENTE

MARTA G. FRANCO: Autora do libro ‘Las redes son nuestras. Una historia popular de internet y un mapa para volver a habitarla’ (Consonni, 2024). Ademais, traballa deseñando estratexias dixitais co colectivo La intersección e é unha das impulsoras da campaña «Ímonos xuntas», que ten por obxectivo facilitar unha mudanza colectiva ao fediverso.